Silleda - Novas - RSS Silleda - Novas - RSS http://silleda.es/eportal/portal/index.php?id_seccion=108 O Concello de Silleda incorpora unha máquina varredora ao servizo de limpeza viaria http://silleda.es/eportal/portal/index.php?id_seccion=108&solo_caja=3018

Silleda, 7 de agosto de 2017. O Concello de Silleda xa conta coa máquina barredora que mellorará o servizo de limpeza viaria. Hoxe mesmo chegou á vila a máquina, adxudicada á firma Baygar, e que supuxo unha inversión de 65.000 euros. Este equipamento era unha das inversións previstas nos orzamentos municipais deste ano, e adquírese con fondos íntegramente municipais.

 “Nestes días o servizo de limpeza viaria contará con esta máquina para mellorar sustancialmente os traballos”, indica o alcalde Manuel Cuiña. O rexedor destaca que a boa situación económica do Concello permite afrontar inversións coma esta en maquinaria para “dar un mellor servizo á cidadanía”. 

 

]]>
Thu, 01 Jan 1970 01:00:00 +0000
O mosteiro de Carboeiro acolle o sábado día 12 un concerto da orquestra e coro do curso Tamara Brooks http://silleda.es/eportal/portal/index.php?id_seccion=108&solo_caja=3017

Silleda, 7 de agosto de 2017.  O vindeiro sábado día 12 a música clásica volta á igrexa do mosteiro de Carboeiro. A cita enmárcase dentro do prestixioso curso de de verán “Tamara Brooks” que se está a celebrar na localidade de Tui dende o pasado día 2.

O concerto de música clásica reunirá a preto de medio centenar de alumnos/as e profesores do 28 Curso de Verán de Dirección, Canto, Coro e Orquestra. A cita será ás 20:30 horas, con entrada de balde.

Este curso de verán, que dende o ano pasado toma o nome da prestixiosa directora de orquestra estadounidense falecida en 2012, conta nesta vixésimo oitava edición coa participación de destacados directores.

Así están presentes Irene Gómez-Calado, afincada en Francia, e que entre outros é directora da filármonica Grands Écoles, entre outros, o prestixioso director Fernando Malvar-Ruiz, director do coro infantil American Boychoir, e Julio Domínguez, director do coro de música clásica Camerata ad Libitum, que organiza este curso.  Ao piano/órgano estará Rasa Biveineniene-Jakutyte.

 

“Unha vez máis o mosteiro de Carboeiro e a súa beleza volverán a fundirse coa música clásica grazas a este concerto”, sinala a concelleira de Cultura Ana Luisa González, que agradece aos organizadores do curso que elixiran o mosteiro silledense para un dos seus concertos deste ano.

O 28 curso Tamara Brooks comezou o pasado 2 de agosto en Tui e continuará ata o vindeiro luns 14 coa celebración de clases e distintos concertos.

Dende o Concello convídase tanto ás formacións musicais e corais coma aos veciños en xeral a asistir a este concerto, “no que contaremos coa presenza de destacados músicos e directores”, engade.

 

 

 

 

 

]]>
Thu, 01 Jan 1970 01:00:00 +0000
O Concello investirá preto de 180.000 euros en distintas melloras no Parque Empresarial Área 33 http://silleda.es/eportal/portal/index.php?id_seccion=108&solo_caja=3016

Silleda, 4 de agosto de 2017.  O Concello de Silleda continuará este ano realizando distintas actuacións de mellora no Parque Empresarial Área 33. Así, nos vindeiros meses levaranse a cabo dúas actuacións para a mellora de infraestruturas viarias e de servizos enerxéticos, respectivamente. A inversión total ascende a 180.000 euros, e as obras financiaránse con cargo ás subvencións logradas da Consellería de Economía Emprego e Industria e con fondos municipais.

No primeiro caso, en relación ás infraestruturas viarias, procederáse a mellora dun dos accesos ao polígono empresarial silledense, dende a estrada N-525. A inversión neste caso será de 149.996,49 euros, sendo subvencionado por parte da Administración Autonómica o 80% do importe. Trátase dun vial moi utilizado para acceder tanto a esta zona industrial do municipio.

En canto ás melloras de servizos enerxéticos o investimento ronda os 30.000 euros, tamén cunha subvención do 80%. Neste casos a actuación consiste na substitución de luminarias tanto en viais do polígono como en zonas peatonais por outras máis eficientes con tecnoloxía LED. Ademais da renovación das luminarias tamén se colocarán relojes astronómicos para regular o acendido das mesas en función da hora do día.

“Con esta actuación continuamos mellorando o parque empresarial Área 33 no que nos últimos anos se realizaron notables melloras”, engade o alcalde, Manuel Cuiña, lembrando a dotación dun servizo de videovixiancia, o arranxo de todo o viario da zona empresarial ou a dotación de placas fotovoltáicas para mellorar o servizo de alumeado. 

]]>
Thu, 01 Jan 1970 01:00:00 +0000
Avanzan a bo ritmo as obras de construcción do Centro de Día e Residencia de Maiores http://silleda.es/eportal/portal/index.php?id_seccion=108&solo_caja=3015

Silleda, 3 de agosto de 2017.  O alcalde de Silleda, Manuel Cuiña, visitou hoxe as obras de construcción do Centro de Día e Residencia de Maiores. Os traballos, que realiza a firma Coviastec Silleda S.L., iniciáronse hai varias semanas na parcela municipal situada xunto ao recinto feiral.

“As obras están avanzando a bo ritmo”, sinala o alcalde sobre os traballos que comezaron co desterre da parcela. Está previsto que a cimentación se inicie o vindeiro mes de setembro.

A Residencia contará con 59 plazas e o Centro de Día con outras 20. A invesión total que executará a empresa ascende a 3,8 millóns de euros. O  edificio deberá de  estar rematado nun prazo máximo de ano e medio dende o inicio da construcción.

O alcalde destaca que os silledenses terán neste centro unha das prazas de Centro de Día máis baratas de Galicia, cun máximo de 300 euros ao mes, e tamén unhas das prazas residenciais máis baratas da comunidade.

 “Antes de que remate a lexislatura poderemos ter logo de moitos anos de espera un dos servizos máis necesarios e agardados polos nosos veciños e veciñas”, indica Cuiña, destacando que está será “a obra de maior envergadura que se acometerá nesta lexislatura para o municipio de Silleda”.

 

]]>
Thu, 01 Jan 1970 01:00:00 +0000
O Concello de Silleda outorga unha nova axuda a través do Plan de Axuda á creación de Emprego http://silleda.es/eportal/portal/index.php?id_seccion=108&solo_caja=3014

Silleda, 2 de agosto de 2017.  A Xunta de Goberno Local vén de aprobar unha nova subvención ao abeiro do Plan Municipal de Axuda á Creación de Emprego. A beneficiaria é  Maricarmen Fernández Dámaseo que poñerá en marcha un negocio de textil, un comercio especializado en moda infantil, que percibirá unha axuda de 1.200 euros.

Tal e como figura nas bases a beneficiencia percibirá agora o 75% da subvención e o 25% restante aos seis meses da apertura do establecemento.

Esta subvención é a terceira que se outorga no ano 2017 a través deste programa, que se iniciou no ano 2015 como unha das grandes apostas do goberno municipal de Silleda para fomentar a creación de emprego. “Calquera silledense que esté en situación de desemprego e queira emprender un negocio en Silleda conta con estas axudas a fondo perdido, sempre que cumpla as condicións establecidas nas bases”, lembra a concelleira de Emprego, Ana Luisa González Costa.

Dende mediados do 2015 outorgáronse xa un total de 11 axudas municipais para a posta en marcha de distintas iniciativas emprendedoras, con cantidades a fondo perdido que varian en función da puntuación obtida. A subvención máxima outorgable é de 3.300 euros. “Estamos moi satisfeitos con este programa”, remarca a concelleira Ana Luisa González Costa que explica que das peticións realizadas só se rechazaron dúas por non cumprir cos requisitos recollidos nas bases reguladoras.

As axudas outorgadas poden consultarse na páxina web municipal (www.silleda.gal) ao igual que as bases. Ademais tamén se poden descargar os anexos para realizar as solicitudes.

 

 

]]>
Thu, 01 Jan 1970 01:00:00 +0000
O Campo de fútbol de Outeiriño reabre as súas portas este sábado logo das obras de mellora http://silleda.es/eportal/portal/index.php?id_seccion=108&solo_caja=3013

Silleda,  2 de agosto de 2017.  Este sábado día 5 terá lugar o acto de reapertura do campo de fútbol de Outeiriño, en Silleda, logo das melloras realizadas no último mes nestas dependencias deportivas. O acto comezará ás 19:00 horas e contará coa celebración de encontros entre as distintas categorías dos equipos de fútbol do municipio e a Escola de Fútbol de Silleda. Tamén actuará a Banda de Música Municipal de Silleda.

A reapertura estará presidida polo alcalde, Manuel Cuiña, e a presidenta da Deputación de Pontevedra, Carmela Silva.

Os traballos realizados, cunha inversión de 214.000 euros, consistiron na renovación de todo o terreo de xogo, que loce agora co céspede artifical de última xeneración, o máis novidoso no mercado. A inversión contemplouse no orzamento municipal deste ano, a través do Plan Concellos da Deputación de Pontevedra.

“Esta era unha das obras máis agardadas no ámbito das infraestruturas deportivas no noso municipio tendo en conta que o campo acusaba un grave deterioro”, explica o alcalde, Manuel Cuiña.

Ademais da renovación da herba artificial tamén se procedeu a reforzar un dos muros do campo e a pintar todo o peche perimetral.

Con esta actuación mellorase considerablemente este recinto deportivo, moi utilizado ao longo do ano por un gran número de usuarios.

Convite aos veciños e veciñas

Dende o Concello de Silleda o alcalde, Manuel Cuiña, convida aos veciños a asistir a este evento de reapertura do Outeriño “que xa na vindeira tempada estreará un terreo de xogo de última xeneración”, engade o rexedor. 

]]>
Thu, 01 Jan 1970 01:00:00 +0000
O Concello de Silleda mercará novos colectores a través dun convenio con Ecoembes http://silleda.es/eportal/portal/index.php?id_seccion=108&solo_caja=3012

Silleda, 1 de agosto de 2017. O Concello de Silleda mercará nas vindeiras semanas  novos colectores para mellorar a recollida selectiva e a reciclaxe no municipio. Esta adquisición levarase a cabo mediante un convenio coa entidade Ecoembes, logo de que o pasado mes de xullo dende o departamento municipal de Medio Ambiente se solicitaran á Xunta novas unidades para continuar co proceso de mellora da recollida de lixo.

“Ainda que melloramos moitisimo o servizo coa implantación do sistema de carga lateral e a recente chegada da recollida selectiva ás 33 parroquias, segue sendo necesario renovar os colectores nalgúns puntos”, indica o alcalde, Manuel Cuiña.

Así, na misiva advertíase da necesidade de contar con colectores de envases lixeiros (amarelos) e tamén os destinados ao depósito de papel e cartón, para colocar estes últimos nas illas medioambientais á beira dos de carga lateral.

Agora, en base ao acordo con Ecoembes, o Concello recibirá un total de 8.000 euros (4.750 euros para colectores de envases lixeiros e 3.250 para a recollida de papel-cartón).

 

Unha vez asinado o acordo o Concello de Silleda dispón de tres meses para proceder á compra e colocación das novas unidades.

Dende o Concello de Silleda destácase a mellora sustancial do servizo logo de que en 2015 se instalaran os colectores de carga lateral en Silleda e Bandeira (agora colocados xa tamén nas poboacións atravesadas pola estrada nacional 525), e da implantación da recollida selectiva no rural, coa colocación de 128 colectores amarelos de 800 litros cada un nas 33 parroquias do rural.

Segundo datos facilitados por Urbaser, no mes de maio e ata o pasado 21 de xuño retiráranse en Silleda dos colectores amarelos un total de 2.830 kilos, unha cifra que da conta do nivel de conciencia e compromiso da cidadanía á hora de reciclar.

"Os resultados están a ser moi bos, por eso temos que agradecer aos veciños e veciñas á sua colaboración a hora de apostar pola reciclaxe e o cuidado do medio" indica o alcalde, Manuel Cuiña.

.

O depósito nos colectores amarelos, para envases de plástico, bricks e latas, é unha das claves no proceso de reciclaxe tendo en contra ademáis que se estima que o tempo de degradación do aluminio é de 400 anos, o do latón entre 20 e 40 anos e que o plástico tarda uns 500 anos.

“Se separamos ben para facer unha reciclaxe axeitada non só estaremos contribuíndo a manter o noso medio ambiente senon que tamén poderemos baixar o custe do servizo entre todos”, indica o alcalde, que fai un chamamento aos veciños para colaborar na correcta separación e reciclaxe.

Este servizo ven a sumarse no ámbito da xestión de residuos á recente instalación de dous mini puntos limpos en Silleda e na Bandeira ou ás campañas de recollida de plásticos que se realizan dende o Concello ao longo do ano.

 

 

]]>
Thu, 01 Jan 1970 01:00:00 +0000
Silleda acolle en setembro un curso para obter o carné de Instalacións Térmicas en Edificios http://silleda.es/eportal/portal/index.php?id_seccion=108&solo_caja=3011

Silleda, 1 de agosto de 2017.  O municipio de Silleda albergará a partir de setembro un curso para a obtención do carné de Instalacións Térmicas en Edificios. A proposta, que conta coa colaboración do Concello de Silleda, chega da man de Estudios Alfa Ingeniería de Proyectos S.L. e tería unha duración estimada de mes e medio dende o inicio do curso.

O custe do curso é de 900 euros, ao que se sumarían as taxas do exame (300 euros) podendo abonarse en tres prazos ou recibir algún tipo de bonificación a través da Fundación Estatal para a Formación no Emprego.

Dende o Concello de Silleda, que colabora coa entidade, difúndese esta iniciativa co obxectivo de promover o uso da biomasa na contorna.

No curso, para o que se precisan un mínimo de 10 participantes, impartiránse distintos módulos teóricos relacionados coa temática, e as sesións prácticas, está previsto que se realicen nun centro de Monforte de Lemos.

As persoas interesadas en participar poden recibir máis información e inscribirse chamando ao 986 291 356 – 607 239 459.

 

]]>
Thu, 01 Jan 1970 01:00:00 +0000
O Concello de Silleda colabora coa campaña #súmatedoasangue http://silleda.es/eportal/portal/index.php?id_seccion=108&solo_caja=3010

Silleda, venres 21 de xullo.- O Concello de Silleda e a Axencia Galega de Doazón de Sangue e Órganos (ADOS) impulsan a participación dos veciños e veciñas nas campañas de doazón de sangue para garantir o labor dos hospitais galegos, que precisan 10.000 doazóns de sangue cada mes para atender a todos os doentes.

As épocas do ano de maior dificultade para a doazón de sangue coinciden cos meses de verán. Os enfermos ingresados nos hospitais galegos seguen a precisar a solidariedade dos veciños e veciñas, e por iso, o Concello distribuirá material informativo para tratar de incrementar a participación.

Poden doar sangue as persoas entre 18 e 65 anos e que pesen máis de 50 quilos. Persoal sanitario revisará a saúde das persoas que se acheguen ata a unidade móbil de ADOS, antes de levar a cabo a doazón de sangue:

 

En Silleda a Unidade Móbil de Doazón de Sangue estará o vindeiro mércores 26 de xullo na avenida do Parque, xunto á parada de taxis, durante toda a xornada, en horario de 10.00 a 14.00 e 16.00 a 21.00 horas

Silleda acadou o pasado ano 2016 unha taxa de 61 doazóns por cada 1.000 habitantes e o obxectivo é manter as cifras que recomenda a Organización Mundial da Saúde (40 a 60 doazóns por cada 1.000 habitantes).

Dende o Concello de Silleda, a responsable do departamento de Sanidade, Pilar Peón, e a Axencia Galega de Doazóns de Sangue e Órganos Queremos fan un agradecemento especial as persoas que participan cada ano nas campañas de doazón de sangue. Grazas a este xesto solidario, os hospitais atenden aos enfermos de cancro e leucemia e levan a cabo, cada día, unha media de 2.700 urxencias, 500 intervencións cirúrxicas e 3 transplantes de órganos e tecidos.

 

]]>
Thu, 01 Jan 1970 01:00:00 +0000
A reforma do campo de fútbol da Gandareira, adxudicada a Taboada e Ramos http://silleda.es/eportal/portal/index.php?id_seccion=108&solo_caja=3009

Silleda, 8 de xullo de 2017. O goberno municipal de Silleda vén de aduxicar á empresa Construcciones Taboada y Ramos as obras da primeira fase de mellora do Campo de Fútbol da Gandareira, na Bandeira.

O proceso de adxudicación, por concurso aberto, iniciouse en días pasados coa apertura das plicas das 12 ofertas que se presentaron en total. A firma adxudicataria logrou a mellor puntuación no proceso.

Esta actuación, financiada a través dun convenio coa Deputación de Pontevedra, corresponde á primeira fase das obras de remodelación da Gandareira, cunha inversión de máis de 400.000 euros.

Esta dotación é unha das máis agardadas tendo en conta que o da Bandeira é o único dos 4 campos de fútbol de Silleda que aínda ten o terreo de xogo en terra.

Esta obra, será unha das grandes inversión deste ano en Silleda no ámbito das infraestruturas deportivas xunto coa renovación da manta de herba sintética do campo de Outeiriño en Silleda, que xa está en marcha, e no no que se investirán 214. 107,38 euros.

“Nas próximas semanas teremos en marcha as obras de reforma dos campos de fútbol da Bandeira e Silleda, dúas obras que virán a situar ao noso municipio nun dos que contan con mellores infraestruturas deportivas”, apunta o concelleiro de Obras e Servizos, Klaus Brey.

Estes dous campos súmanse as obras realizadas polo Concello nos anos 2012 e 2013 nos campos de Lamela e Laro, respectivamente, coa dotación de terreos de xogo de herba natural.

“Dende o Concello de Silleda apostamos por mellorar os equipamentos deportivos con distintas obras de mellora ás que agora se suma a agardada e necesaria remodelación integral do campo da Gandareira”, engade o concelleiro.

O proxecto da Gandareira inclúe ademais da dotación de herba sintética unha serie de melloras neste campo municipal que ata agora estaba en terra.

 

 

]]>
Thu, 01 Jan 1970 01:00:00 +0000