Silleda - Novas - RSS Silleda - Novas - RSS http://silleda.es/eportal/portal/index.php?id_seccion=108 A Escola de Familia de Silleda celebra unha nova sesión o vindeiro día 20 http://silleda.es/eportal/portal/index.php?id_seccion=108&solo_caja=2992

 Silleda, 13 de xuño de 2017.  A Escola de Familias de Silleda que se creou hai dous meses volve celebrar unha nova sesión o vindeiro martes día 20. A cita, aberta ao público e gratuita, terá lugar ás 20:30 horas na Casa da Cultura de Silleda, impartida polo psicólogo, terapeuta e mediador familiar Carlos Vila, da Asociación para o Crecemento e Orientación Familiar.

Esta será a segunda sesión logo da primeira celebrada en maio, e a iniciativa retomarase o vindeiro curso con unha sesión por trimestre.

 Este proxecto nace da demanda de pais e nais polos cambios na sociedade actual que afectan en gran medida á educación dos cativos

Todos aqueles aqueles pais e nais que teñan dúbidas ou que desexen consellos sobre cómo manexar situacións cos seus fillos poden participar nestas sesións, totalmente gratuitas.

 

]]>
Thu, 01 Jan 1970 01:00:00 +0000
Instalados os mini puntos limpos de Silleda e A Bandeira http://silleda.es/eportal/portal/index.php?id_seccion=108&solo_caja=2991

Silleda, 13 de xuño de 2017.  Na xornada de hoxe martes procedeuse á instalación de senllos mini puntos limpos nas localidades de Silleda e da Bandeira. Estas instalacións, sen custes para o Concello logo de asinar un convenio coa firma Blipvert, contan con depósitos para recoller ata sete modalidades de residuos. Así teñen dous depósitos para pilas (convencionais, alcalinas, de petaca e de botón), e baterías de móbiles; un para teléfonos móbiles; outro para CD/DVD; un para cartuchos de impresora de inxección, para lámpadas de baixo consumo e outro para RAEES (residuos de aparellos electrónicos ou eléctricos que leven pilas ou se poidan enchufar á corrente).

En Silleda a instalación localízase na rúa Trasdeza, no cruce coa rúa Progreo, e na Bandeira no entronque da rúa Camilo José Cela coa rúa Xeral.

Con esta iniciativa búscase facilitar  aos veciños e veciñas o correcto depósito deste tipo de residuos sen necesidade de ter que achegarse ata o punto limpo, ubicado en Margaride. Estas instalacións veñen  a complementar a rede de recollida de residuos no termo municipal de Silleda que se vén mellorando dende os últimos anos e completándose cos colectores de aceites usados, ou os de  roupa, calzado e textil, tamén dispoñibles para a cidadanía nos dous cascos urbanos.

Así mesmo, o Punto Limpo situado en Margaride, un servizo totalmente gratuito e para particulares, está aberto todos os mércores e sábados en horario de 09:00 a 14:00 horas.

 

 

]]>
Thu, 01 Jan 1970 01:00:00 +0000
O alumnado de infantil do CEIP de Silleda entregou ao progrmaa Silleda Solidaria a colleita do seu horto http://silleda.es/eportal/portal/index.php?id_seccion=108&solo_caja=2990

Silleda, 12 de xuño de 2017.  Os alumnos e alumnas de Infantil do CEIP de Silleda fixeron entrega hoxe de alimentos cultivados no seu horto ao departamento de Benestar Social do Concello. Leitugas, repolos, perexil, … e outras hortalizas cultivadas polos cativos destinaranse a implementar os productos frescos do banco de alimentos do programa Silleda Solidaria.

A concelleira de Benestar Social e Educación Pilar Peón, recolleu os alimentos xunto coas asistentas sociais, e agradeceron o traballo realizado polos cativos e as mestras así como a doazón. No horto do patio cultivaron este ano numerosas hortalizas, froitas e mesmo patacas.

]]>
Thu, 01 Jan 1970 01:00:00 +0000
Ainhoa Fernández e José Raúl Rivera, gañadores do concurso de Microrrelatos http://silleda.es/eportal/portal/index.php?id_seccion=108&solo_caja=2989

 

Silleda, 12 de xuño de 2017.  O Certame de Microrrelatos da Concellería de Normalización Lingüística do Concello de Silleda xa ten novos gañadores. Ainhoa Fernández González, de 7 anos e alumna do CEIP de Silleda, é a gañadora da categoría de 6 a 12 anos. Na de maiores de 13, o premio recaeu en José Raúl Rivera Verdería, polo traballo “O conto do noso avó”.  Este último, de 16 anos, é alumno do Colexio Plurilíngüe María Inmaculada.

Os premios consisten nunha tablet valorada en 100 euros para cada un deles, un vale de compra de 20 euros para gastar en comercios de Silleda. Así mesmo os colexios aos que pertencen recibirán senllos vales  de 50 euros para mercar libros en galego para as  bibliotecas dos centros.

A entrega dos galardóns terá lugar este venres día 16, ás 11:30 horas, na Casa do Concello.

O certame de Microrrelatos convocado dende a Concellería de Normalización Lingüística de Silleda recibiu un total de 216 traballos, unha cifra que da conta da consolidación  desta iniciativa que botou a andar con éxito en Silleda hai xa seis anos.

Por categorías, na de 6 a 12 anos presentáronse un total de 105 traballos, e na de 13 anos en adiante outros 111. O lema deste anos foi “Os contos do meu avó”.

O xurado desta sexta edición estivo formado polos xornalistas Salomé Soutelo (Faro de Vigo) e Manuel Núñez Fiuza (O Periódico. Lalín e Comarca) e presidido pola concelleira de Normalización Lingüística, Pilar Peón. Esta última  agradeceu a colaboración dos centros, dos membros do xurado e destacou tamén a creatividade e orixinalidade dos traballos presentados.  

]]>
Thu, 01 Jan 1970 01:00:00 +0000
Os permisos para as cacharelas de San Xoán poderán solicitarse ata o 20 de xuño http://silleda.es/eportal/portal/index.php?id_seccion=108&solo_caja=2988

Silleda, 12 de xuño de 2017.  O Concello de Silleda ten aberto o prazo para solicitar autorización de cacharelas na noite do 23 ao 24 de xuño próximos, con motivo da celebración do San Xoán.

Todas aquelas persoas ou grupos que queiran facer cacharelas deben de de presentar a correspondente solicitude no Rexistro Municipal, na planta baixa do Concello. O prazo remata o vindeiro martes día 20.

Ao igual que en anos anteriores só se concederá permiso para as cacharelas na noite do 23 ao 24 de xuño. Así mesmo, á hora de facer as cacharelas deben de cumprirse unha serie de requisitos. Lémbrase que o volumen de combustible non deberá superar O volume de combustible da cacharela non superará os 8 metros de perímetro, nin os 3 de altura.

A separación entre as cacharelas e os edificios ou árbores será como mínimo de 12 metros.

Terán que por especial coidado de non situalas baixo tendidos eléctricos ou telefónicos, así coma de que nos arredores non exista ningún local no que se almacenen produtos inflamables.

Prohíbese a queima de neumáticos, plásticos, escumas de poliuretano, aceites, e en xeral, de calquera substancia que ao arder desprenda fume tóxico.

En ningún caso se botarán ao lume recipientes que conteñan líquidos inflamables ou gases a presión, (sprais), aínda que éstes estean baleiros.

No suposto de que a cacharela se faga sobre terreos de uso público enlousados, os organizadores encargaranse de protexer o pavimento cunha capa de area de 10 centímetros.

Ao finalizar a cacharela e antes de abandonar o lugar da mesma, os responsables da organización coidarán que as cinzas queden totalmente apagadas.

 

]]>
Thu, 01 Jan 1970 01:00:00 +0000
Silleda e Vila de Cruces, protagonistas do programa Goza do Ulla o vindeiro domingo día 18 http://silleda.es/eportal/portal/index.php?id_seccion=108&solo_caja=2986

Silleda,10 de xuño de 2017.  O programa Goza do Ulla volta á comarca o vindeiro domingo día 18 cun roteiro intermunicipal coa historia como protagonista. Baixo o lema “Roteiro da historia”, esta proposta que se vén celebrando dende o ano 2011, une aos municipios de Silleda e Vila de Cruces cun roteiro lineal duns 14 kilómetros, coas parroquias de Cira e Gres como protagonistas.

O percorrido, cunha duración estimada de catro horas, partirá dende a ínsua de Remesquide, en territorio de Vila de Cruces (ás 09:30horas) e rematará na parroquia silledense de Cira, na praia fluvial. O roteiro volverá pasar polos invernadoiros da contorna de Cira, discorrindo de xeito pararlelo pola ribeira do Ulla. Incluirá unha parada na casa natal de Xosé Neira Vilas, onde se sitúa a fundación que leva o seu nome, na histórica Ponte Ledesma, podendo disfrutar tamén os asistentes das ínsuas de Gres. O regreso farase en autobús ata o punto de partida, para aquelas persoas que así o desexen.

A natureza e a historia fusionaranse así nesta edición do programa. Á beleza da ribeira do Ulla, cos que lindan polo norte os municipios de Silleda e Vila de Cruces, sumaránse explicacións sobre a figura do escritor cruceño e o episodio do papel desempeñado polos veciños e veciñas da zona na loita contra os franceses durante a guerra da independencia, en marzo de 1809, no entorno da Ponte.

Última cita co programa

As persoas interesadas en participar poden xa anotarse nos Concellos de Silleda e de Vila de Cruces. Recoméndase levar roupa e calzado cómodos e algo de bebida. Dende o Concello de Vila de Cruces habilitarase tamén un servizo de autobús para realizar a ruta, previa inscrición que sairá da praza Juan Carlos I.

O programa Goza do Ulla é unha  iniciativa conxunta  que xurdiu  hai 4 anos, sumando xa 20 concellos nun programa que, sen apenas custes, serve para por en valor o territorio vinculando municipios e comarcas.

Os municipios que forman parte do programa, pertencentes ás provincias de A Coruña, Lugo e Pontevedra,  son  Antas de Ulla, Arzúa, Agolada, A Estrada, Boqueixón, Catoira, Dodro, Monterroso, Padrón , Pontecesures, Palas de Reis, Rianxo, Santiso, Silleda, Teo, Touro, Valga, Vila de Cruces, Vilagarcía de Arousa e Vedra.

Baixo o nome Goza do Ulla, esta iniciativa de carácter turístico busca dar a coñecer e promocionar o rico e valioso patrimonio dos territorios á beira do Ulla. O programa deste ano deuse a coñecer o pasado 5 de maio no Centro de Interpretación do histórico Castelo de Pambre, en Palas de Rei. O programa iniciouse o pasado 20 de maio en Antas de Ulla e rematará o 22 de outubro en Vilagarcía

Cira, coñecida tamén coma a horta de Silleda, é o referente silledense da ribeira do Ulla. En anteriores edicións, esta localidade tamén foi protagonista do roteiro e compartiu percorrido con A Estrada e outras áreas próximas. Nesta ocasión, o programa Goza do Ulla xunta a Cira con Gres, parroquia veciña situada en territorio de Vila de Cruces. Cuna do escritor Neira Vilas, marca a frontera con Boqueixón á altura da Ponte Ledesma, onde se atopa a fermosa ponte medieval de sete arcos, que atravesa o Ulla, río que neste punto forma a fermosa paisaxe das ínsuas de Gres e a súa área recreativa.

]]>
Thu, 01 Jan 1970 01:00:00 +0000
Xa colocado o cartel de obra do Centro de Día e Residencia dos Maiores http://silleda.es/eportal/portal/index.php?id_seccion=108&solo_caja=2985

Silleda, 9 de xuño de 2017.  O cartel das obras do Centro de Día e Residencia de Maiores está xa colocado na parcela onde se construirá o edificio dotacional, xunto ao recinto feiral de Silleda. A empresa Coviastec Silleda construirá o edificio cun total de 59 prazas  residenciais e outras 20 de centro de día, cunha inversión total de 3,8 millóns de euros.

Nos vindeiros días abrirase o centro de traballo para dar inicio aos traballos. A obra deberá de estar rematada nun prazo de ano e medio dende que comecen os traballos.

Esta é unha das actuacións máis agardadas no municipio de Silleda. Ubicarase na parcela municipal, con máis de 8.000 metros cadrados de superficie,  onde o alumnado do Obradoiro de Emprego Semente de Pedra xa realizou as tarefas de axardinamento da que será a zona de esparcimento do centro, coa creación de varias terrazas e unha área de horta en bancais. 

]]>
Thu, 01 Jan 1970 01:00:00 +0000
O Club do Centro Social dos Maiores celebra o vindeiro venres 16 a Festa da Primavera http://silleda.es/eportal/portal/index.php?id_seccion=108&solo_caja=2984

Silleda, 9 de xuño de 2017. O vindeiro venres día 16 de xuño celebrarase unha nova edición da Festa da Primavera, organizada polo Club do Centro Social dos Maiores e a Concellería de Igualdade e Benestar. A cita, ao mediodía, comezará ás 14.00 horas no resturante Coteliño, cun menú que estará composto por entremeses, salpicón, xarrete, postres e café. A animación musical correrá a cargo do Dúo Punto Cero.

O prezo é de 14 euros para os veciños/as e as persoas socias do Club e de 15 euros para veciños de outros municipios e os non socios. As persoas interesadas en participar poden apuntarse no Centro Social dos Maiores de Silleda, e na Casa da Cultura, ou ben chamando aos teléfonos 986 592037 ou 986 581028.

 

]]>
Thu, 01 Jan 1970 01:00:00 +0000
Reunión preparatoria para a expedición a Canejan o vindeiro mes de agosto http://silleda.es/eportal/portal/index.php?id_seccion=108&solo_caja=2983

Silleda,8 de xuño de 2017. O Concello de Silleda mantivo un encontro para preparar a viaxe a Canejan (Francia) o vindeiro mes de agosto, do 22 ao 29. Representando a Silleda acudirán a agrupación Fortín da Pomba e a Banda Recreativa e Cultural da Bandeira, grupos elixidos por sorteo o pasado mes de abril entre as agrupacións do municipio. Neste encontro no que estarán tamén presentes municipios de Italia e Hungría levarase a cabo a sinatura do irmandamento entre Silleda e Canejan, na xornada do 26. O programa inclúe distintas actuacións culturais, musicais e de acción de convivencia ao longo da citada semana. 

]]>
Thu, 01 Jan 1970 01:00:00 +0000
Comeza a formación para implantar a Administración Electrónica no Concello de Silleda http://silleda.es/eportal/portal/index.php?id_seccion=108&solo_caja=2981

Silleda, 6 de xuño de 2017.  O Concello de Silleda inicia mañá o proceso para a implantación da Administración Electrónica. Esta implantación lévase a cabo en colaboración coa Deputación de Pontevedra, logo de que o Concello de Silleda se sumara o convenio do organismo provincial para levar a cabo estre procedemento nos municipios de menos de 40.000 habitantes.

Así, mañá terá lugar a presentación da ferramenta Gestiona, da entidade Espúblico, coa que se impartirá a formación ao personal municipal.  Unha vez realizada esta presentación iniciarase o proceso para realizar consultorías por departamentos e proceder á formación do personal.

Esta nova forma de tramitación cambiará o sistema de traballao na entidade local, así coma o xeito de relacionarse cos usuarios, que con esta ferramenta poderán realizar unha serie de trámites dende dispositivos móbiles.

A  Lei 39/2015, de 1 de octubre, do  procedimiento administrativo común das Administracións Públicas regula o  dereito da cidadanía a relacionarse coas distintas Administracións públicas a través de medios telemáticos. O proxecto de Administración electrónica para os Concellos contempla a implantación, parametrización e posta en marcha dos módulos que forman parte deste servizo. Así, poñerase a disposición do personal técnico municipal un sistema de xestión dixital de expedientes, así como unha sede electrónica para os cidadáns.

“A Administración electrónica é un paso necesario que agora damos na modernización do Concello, tamén coa axilización de trámites como un dos obxectivos”, indica o alcalde, Manuel Cuiña. 

]]>
Thu, 01 Jan 1970 01:00:00 +0000