Silleda, 27 de febreiro de 2018.  O mosteiro de Carboeiro mudará o seu horario de apertura dende pasado mañá xoves día 1 de marzo. Así, e en virtude do establecido o pasado ano dende o departamento municipal de Turismo, que dirixe Ana Luisa González, o edificio abrirá as súas portas ao público en horario de 11:00 a 14:30 e polas tardes de 16:30 a 19:00 horas.

Deste xeito, e tendo en conta o aumento de horas de luz que xa se ven experimentanto nas últimas semanas, amplíase unha hora máis a apertura do cenobio polas tardes.

Este horario de primavera  aplicarase –de martes a domingo- durante os meses de marzo, abril, maio e xuño, ampliándose novamente en xullo co horario de verán (cando estará aberto ao público ata as 20:30 horas). O luns, cómo vén sendo habitual, o mosteiro estará pechado ao público.

“Deste xeito continúamos adaptándonos ás condicións de luz natural para facilitar a visita a este monumento, que segue a recibir numerosos visitantes cada ano”, explica a concelleira de Turismo.