O programa de Termalismo Social do Imserso vén de abrir o prazo de reserva de prazas para o vindeiro ano.

As inscricións para participar no programa, que se desenvolverá dendefebreiro ata decembro de 2026 , poden formalizarse no departamento de Servizos Sociais . A adxudicación das prazas efectúase de acordo coa puntuación obtida nos expedientes, tendo en conta os balnearios e as quendas solicitadas. Todos aqueles que desexen anotarse ou recibir máis información poden dirixirse ás dependencias de Benestar Social, sitas no Concello de Silleda (986 59 20 37).

Para o ano 2026, os turnos de prazas serán de 10 días (9 pernoitas) cada un, realizaranse en réxime de pensión completa e comprenderán desde as doce horas do día de chegada ata as doce horas do día de saída.

O Instituto de Maiores e Servizos Sociais (Imserso) desenvolve o Programa de termalismo para persoas maiores e mantemento do emprego, como servizo complementario das prestacións do sistema da Seguridade Social, para o cumprimento das súas competencias e dos obxectivos fixados no ámbito do envellecemento activo.

Este programa está regulado pola Orde SSI/1688/2015, do 30 de xullo, e ademais de cumprir unha importante función en relación co envellecemento activo e saudable, incide tamén na soidade non desexada deste colectivo, un fenómeno sobre o que se traballa activamente desde este Instituto por formar parte dos plans de servizos sociais estatais.

O programa contribúe a impulsar o desenvolvemento económico do sector do turismo termal, reducindo a estacionalidade e, con iso, mantendo o emprego e a actividade económica durante a tempada baixa deste sector. Neste último sentido, ten especial impacto en territorios rurais, con poboación feminizada, dispersa e afastada dos núcleos urbanos.

Poderán participar no Programa de Termalismo do Imserso as persoas residentes en España que sexan  pensionistas de xubilación ou de incapacidade permanente do Sistema da Seguridade Social española; os pensionistas de viuvez con cincuenta e cinco ou máis anos de idade do Sistema da Seguridade Social española, os  pensionistas por outros conceptos ou persoas preceptoras de prestacións ou subsidios de desemprego, con sesenta ou máis anos de idade do e ademais que sexan persoas  aseguradas ou beneficiarias do Sistema da Seguridade Social española, con sesenta e cinco ou máis anos de idade.

As persoas usuarias da praza deberán ademais valerse por sí mesmas  precisar os tratamentos termais  solicitados e non presentar contraindicación médica para a súa recepción e acadar, de acordo coa baremación establecida, a puntuación que lles permita acceder a un dos balnearios e turnos solicitados.