O servizo na rúa Trasdeza estará aberto ao público de 08:00 a 20:30 de luns a venres e os sábados de 11:00 a 13:30 horas

A Biblioteca Pública Municipal Daniel Castelao de Silleda contará novamente dende este luns día 16 de setembro con horario continuado durante a semana. Así, este servizo público estará aberto de luns a venres en horario de 08:00 a 20:30 horas de xeito ininterrumpido, despois de aplicarse un horario reducido durante a tempada de verán.

Nas xornadas de sábado, o horario de apertura do centro será de 11:00 a 13:30 horas.

Con esta medida vense a mellorar este servizo público facilitándolle ao público en xeral máis tempo de uso tanto da consulta e préstamo de fondos como da sala de estudo.

A biblioteca foi trasladada á ubicación actual en abril de 2022. O centro, con milleiros de volumes dispoñibles, conta cunha sala adicada ao público infantil e sala de estudom e nos últimos meses incorporou 170 novos títulos en galego e castelán aos seus fondos, correspondentes a distintas novidades editoriais.