Silleda,  26 de decembro de 2018.  A Concellería de Educación de Silleda, que dirixe Pili Peón, vén de resolver definitivamente a convocatoria das bolsas para o transporte destinadas a  universitarios/as e estudantes de ciclos formativos  que cursen estudos oficiais en algún dos Campus e/ou institucións da Comunidade Autónoma.

En total outorgáronse 77 axudas a outros tantos estudantes, cun importe global de 19.263 euros. Do total de solicitudes foron rexeitadas 11, 6 delas por non cumprir os requisitos establecidos nas bases reguladoras, e outroas 5 que non presentaron a documentación requerida para enmendar a solicitude.  O expediente vén de ser aprobado na Xunta de Goberno Local.

As contías das bolsas establecéronse en función da renda familiar, sendo o importe máximo da subvención por beneficiario/a de 450 euros. En total outorgáronse 20 axudas por este importe máximo; outras 6 por importe de 385 euros, 3 por valor de 253 euros; 18 de 183 e outras 30 axudas de 130 euros cada unha.

A partida reservada nos orzamentos municipais para estas axudas, que se veu incrementando notablemente nos últimos anos, é de 20.000 euros, completando a cantidade restante as axudas destinadas á compra de material escolar e libros de texto para as familias con menos recursos.

Aumento do 100%

Nos orzamentos do ano 2017, o goberno municipal apostou por doblar a cantidade destinada a estas axudas, cun aumento do 100% da partida, que pasou de 10.000 a 20.000 euros. “Co ánimo de axudar aos nosos mozos e mozas que se teñen que desplazar para continuar os seus estudos e vendo tamén que Silleda quedou fóra da área de transporte metropolitano de Santiago, decidimos apostar por estas axudas”, indica a concelleira Pilar Peón.

O listado das axudas poderá consultarse nos vindeiros días tanto no taboleiro de anuncios como na páxina web municipal.

A resolución é a que segue:

A Xunta de Goberno Local do Concello de Silleda aprobou en data 20 de decembro de 2018 a resolución definitiva da CONVOCATORIA DE AXUDAS PARA O TRANSPORTE UNIVERSITARIO E ESTUDANTES DE CICLOS FORMATIVOS DURANTE O CURSO ESCOLAR 2018-19, coa seguinte proposta:

Visto, que  hai 77 solicitantes  que acadan os requisitos establecidos nas bases.

Visto que hai 6 solicitantes que non reúnen todos os requisitos establecidos nas bases, que son:

Visto que hai 5 solicitantes que, requiridos para emendar a solicitude, non aportaron a documentación, que son:

PROPÓNSE:

Á Xunta de Goberno Local a adopción do seguinte acordo, conceder  ás e aos solicitantes que reúnen os requisitos, o pago das axudas correspondentes que se relacionan a continuación:

ATA 1000€/ BOLSA 450€

DE 1001 A 2000€ / BOLSA DE 385€

DE 2001€  A 3000€ /BOLSA DE 253€

DE 3001 A 5000€/BOLSA DE 183€

DE 5001€ A 10000€/BOLSA DE 130€