Silleda, 18 de novembro de 2017. Silleda acollerá  a vindeira fin de semana un intercambio cultural coa localidade lusa de Paredes de Coura, que terá como protagonista á música rock.

Así, un grupo de preto de 30 persoas, con alumnos  e mestres da  Escola de Rock de Paredes, estarán nas xornadas do sábado 25 e domingo 26 en Silleda para realizar o intercambio cun grupo de músicos silledenses que levan semanas ensaiando de cara a realizar un concerto o vindeiro Nadal.

“Este será un primeiro achegamento, coa cultura como eixo temático, entre Silleda e Paredes de Coura, municipio co que nos irmandaremos en vindeiras datas”, sinala o alcalde, Manuel Cuiña.

Ademais da sesión, o programa do intercambio incluirá un concerto de rock con músicos das dúas localidades o domingo 26 ao mediodía. A chegada do grupo está prevista para o sábado a mañá, e antes de iniciar as sesións musicais o grupo visitará lugares emblemáticos como Carboeiro e a Fervenza do Toxa.

O domingo incoporaránse á expedición o alcalde de Paredes de Coura,

 Vítor Paulo Gomes e outros membros do goberno municipal, coma o concelleito Thiago Manuel Pereira. Estarán tamén presentes nas actividades representantes do Comité de Irmandamento de Silleda, que se creou en semanas pasadas e que tamén se estreará con estas actividades.

A relación con Paredes de Coura iniciouse o pasado ano, ca visita cursada polo rexedor silledense ao municipio situado no distrito de Viana do Castelo

O intercambio empresarial, o desenvolvemento do sector agrogandeiro, ou o patrimonio cultural e musical son algúns dos ámbitos que centrarán o futuro irmandamento.

Situado no distrito de Viana do Castelo, Paredes de Coura conta con preto de 9.000 habitantes, igual que Silleda, e un grande peso do sector primario na súa economía, -de marcado carácter rural- feito do que da conta a existencia da Escola Agraria, pertencente ao Instituto Politécnico de Valença. O ruta a Compostela (por alí discorre o Camiño Portugués), a presenza de edificios románicos ou as zonas de paisaxe protexida son outros dos nexos en común entre as dúas localidades, ao igual que a formación e tradición musical

Este municipio é  tamén coñecido por albergar o coñecido festival de música alternativa dende 2008.

“Cremos que temos moitas cousas en común que podemos aproveitar para un proxecto fructífero”, engade Manuel Cuiña.

Ex membros de grupos silledenses

Hai varias semanas un grupo de 16 veciños de Silleda que estiveran bandas de pop, rock e hardcore (Kona ke te fixo, Badanas, Segundo Izquierda, Somos Tres ou Centinela de Piedra) comenzaron a ensaiar na antiga Escola de Música de cara a preparar un festival a celebrar o vindeiro Nadal, e con visos a continuar no calendario.

O grupo está aberto tamén a todas aquelas persoas que queiran participar no recital que se presentará en vindeiras datas.

Dende o colectivo sinalan que este intercambio musical coa Escola de Rock de Paredes será “moi productivo e beneficioso” para compartir experiencias e coñecementos.