Silleda, 8 de xaneiro de 2013. O programa de Termalismo Social do Imserso vén de abrir xa a reserva de prazas para este ano. Para participar na primeira quenda, entre os meses de febreiro e agosto, terán prioridade aquelas persoas que se anoten ata o vindeiro día 16. Para os turnos previstos entre os meses de setembro e decembro, os interesados/as aínda poden anotarse ata o vindeiro día 16 de mayo. As inscricións deben formalizarse no departamento de Servizos Sociais . A adxudicación das prazas efectúase de acordo coa puntuación obtida nos expedientes, tendo en conta os balnearios e os turnos solicitados. Todos aqueles que desexen anotarse ou recibir máis información poden dirixirse ás dependencias de Servizos Sociais, sitas no Centro Social de Silleda (986 592037).