Silleda, 2 de xaneiro de 2013. O auditorio municipal Manuel Dopazo da Bandeira acolle o vindeiro venres día 4 o tradicional concerto de Aninovo, no que actuarán este ano un total de cinco formacións. Así, ademais da Coral Polifónica Trasdeza, este ano estréase na cita a outra formación coral do municipio, o Coro Vales Mahía da Bandeira. Esta última, que se estrenou a finais de xaneiro do pasado ano, abrirá o recital cun repertorio variado no que figuran os temas  Audite Silete (M. Praetorius); Dindirindin (Anónimo); Yo me soy la morenica (panxoliña); Ay para Navidad (panxoliña); Naranjitay (taquirari boliviano tradicional); Deusa Antiga (recopilación de Leilía).

Tomará o testigo a Coral Polifónica Trasdeza, que interpretará as cancións O aradiño

;Peregrino; Nación e a Suite Comercial Navideña dos Reis Magos.

A música e o baile tradicional chegan da man das dúas agrupacións folclóricas da localidade da Bandeira. Fortín da Pomba presentará as pezas Muiñeira de Pazo; Rumbas de Aldán; Canto, muiñeira Grixoa; Pasodobre de Reboiras; Muiñeira de Sabaxáns; Muiñeira e Maneo de Anxeriz e o Canto de Reis de Bembibre.

Xirandola actuará na cita de Aninovo con Maneo e Muiñeira de Limiñoa, a Muiñeira de Malpica e a Muiñeira da Bandeira.

Xa por último pechará a Banda Recreativa e Cultural da Bandeira. A agrupación afritrioa interpretará nesta ocasións os temas Olympic fanfare and theme (de John Williams); Oregon (Jacob de Haan); e Springtime, de Rob Ares. Acompañarán á banda no seu repertorio os solistas José López López e Sergio Calviño Rozados