A principal novidade é a volta das clases de natación para menores e de Aquagym para persoas adultas
As inscricións poden realizarse no Concello e pola tarde no pavillón César G. Fares
Ofértanse ata 10 modalidades
O Concello de Silleda abrirá o prazo de inscrición para as escolas deportivas o vindeiro luns 9 de setembro. As actividades comezarán na maioría dos casos no mes de outubro, como vén sendo habitual, aínda que algúns cursos, como esgrima, zumba fitness e baloncesto, iniciaránse xa a semana seguinte.
Este ano, a oferta de actividades conta cunha novidade destacada: as actividades acuáticas regresan despois de varios anos. Grazas a un acordo co Concello e a empresa que xestionará o Spa Fervenza do Toxa nas instalacións do Hotel Vía Argentum, as clases de natación para menores e o Aquagym para persoas adultas volverán estar dispoñibles a partir de outubro. As prazas para ambas modalidades son limitadas.
Ademais das actividades acuáticas, o curso ofrecerá as seguintes modalidades:
- Patinaxe
- Kung-fu
- Baloncesto
- Zumba fitness
- Zumba kids
- Ciclismo
- Esgrima
- Atletismo (en colaboración co Club Atletismo Deza)
As inscricións poderán realizarse na Casa do Concello en horario de 09:00 a 13:00 horas ou, pola tarde, no pavilló César G. Fares de Silleda, de 18:00 a 20:00 horas.
As actividades impartiranse en diferentes locais, como:
- Pavillón César G. Fares
- Pavillón do IES (atletismo)
- Escola de Música (zumba kids)
- Aire libre (ciclismo, impartido polo Club Ciclista Estradense)
En canto á escola de patinaxe, a idade límite de iniciación será para nenos e nenas nacidos en 2020, e tamén nesta modalidade as prazas son limitadas.
Consulta as actividades, os horarios e os prezos no seguinte cadro:
