Este xoves 12 celébrase a tradicional Xuntanza de Nadal dos maiores a partir das 14:00h no Restaurante Coteliño en Silleda
O Centro de Maiores de Silleda celebra a súa tradicional Xuntanza de Nadal este xoves 14 de decembro a partir das 14:00 h no Restaurante Coteliño, en Silleda. Este evento, que congrega a máis de 150 maiores do municipio, contará cunha programación especial que inclúe animación musical, sorteos e doazóns de establecementos e entidades locais.
A festa contará coa actuación de Carlos Manteiga, que amenizará a xornada e, como é tradición, realizarase un sorteo entre todos os asistentes
Este ano, a Xuntanza de Nadal dos Maiores recibe una serie de doazóns por parte dos seguintes establecementos e organizacións do municipio:
- Ferretería Valiño
- Ferretería Bandeira
- Supermercado Eroski
- Restaurante Coteliño
- Concello de Silleda
- Cafetería do Centro Social de Maiores de Silleda
A colaboración destas entidades reflicte o espírito de comunidade e apoio aos nosos maiores, facendo posible que a Xuntanza de Nadal sexa un evento a lembrar durante todo o ano.
Lembramos tamén que o vindeiro venres 27 de decembro terá lugar o Ensaio de Fin de Ano a partir das 20:00h no Centro Social dos Maiores de Silleda. Esta cita estará amenizada por Suso de Melide e as inscricións continúan abertas no Centro Social dos Maiores ou no Concello ata o 22 de decembro.