A cita, organizada pola Concellería de Benestar, estará amenizada por Suso de Melide
Máis de cen persoas participarán este xoves 31 de outubro no magosto que se terá lugar no Centro Social dos Maiores da Bandeira a partir das 18:00 horas. Haberá castañas asadas e tamén empanada, pinchos variados, postre e bebidas. O prezo é de 12 euros por persoa.
A animación musical correrá a cargo de Suso de Melide. Esta actividade forma parte da programación de Silleda Activa, que tamén inclúe propostas lúdicas con diferentes celebracións ao longo do ano.