O Concello de Silleda abre este martes 17 de decembro o prazo de inscrición para que a rapazada que o desexe poida participar nas cabalgatas de Papá Noel e dos Reis Magos.
No caso do desfile de Papá Noel, que terá lugar o vindeiro martes día 25 na Bandeira, hai que anotarse no Centro Cultural Vista Alegre (986 585550). O prazo está aberto ata este venres día 20 e as prazas son limitadas.
Para partipar na Cabalgata de Reis do domingo 5 de xaneiro polas rúas de Silleda, o prazo estará aberto ata o vindeiro venres día 28, para nenos e nenas de 6 a 10 anos. O número de prazas é tamén limitado e, no caso de superarse, realizarase un sorteo público. Todas as persoas que se inscriban na Cabalgata de Reis recibirán unha comunicación coa normativa de participación.
As solicitudes pódense presentar tanto por Rexistro de entrada como por Sede Electrónica.