O pasado venres, día 8 remataba o prazo para a presentación dos traballos para o I Concurso de Cómic, outra das iniciativas da Concellería de Educación.

Presentáronse un total de 27 traballos; 9 do Instituto Pintor Colmeiro, 13 do CEIP de Silleda, e 5 do CEIP Ramón de Valenzuela de A Bandeira.

Nos próximos días terá lugar a reunión do xurado para valoralos e proceder á concesión dos premios, gratificando ó mellor cómic con 100€ en metálico e entradas para o parque acuático de Aquapark de Cerceda para todos os membros do grupo, 50€ e un lote de material escolar para o mellor guión, e outros 50€ e un lote de cómics para a mellor ilustración, nas categorías de educación infantil, educación primaria, e educación secundaria.

Os premios en metálico poderán ser destinados á axuda do financiamento das excursións dos centros de ensino, ou se non se organizasen, cada centro poderá destinar o premio ás actividades que estimen.