Silleda, 11 de decembro de 2017.  Hoxe deron comezo as obras mellora dos accesos e pistas entre vivendas no núcleo de Siador.

A empresa Taboada y Ramos, adxudicataria do proxecto iniciou hoxe os traballos da que será a primeira fase desta mellora integral no viario do lugar, con graves desperfectos.

A inversión desta primeira actuación supera os 100.000 euros  e as obras completaránse o vindeiro ano con novas actuacións.

O proxecto de mellora iniciase no acceso principal  ao lugar,  ancheando a vía e construindo un muro de contención xusto á entrada do acceso, onde o viario ten grandes socavóns .“Esta actuación é moi necesaria xa que a pista, tal e como está, corre o risco de derrubarse”, indica o alcalde, Manuel Cuiña. O acceso principal, con fondos baches, dotarase de aglomerado, barandillas para o citado muro, e as correspondentes canalizacións.

A actuación restante consistirá en mellorar todo o viario que discorre entre as vivendas. Esta última acometerase con cargo ao orzamento do vindeiro ano 2018. O viario entre as vivendas –de escasas dimensións-mellorarase con formigonado.

Esta actuación acometese con fondos propios municipais, “co ánimo de seguir mellorando a nosa extensa rede viaria do rural”, engade Cuiña.