O Concello de Silleda mellorará o equipamento técnico do auditorio municipal Manuel Dopazo

-A proposta da entidade logrou unha subvención da Agadic, a través dos fondos Next Generation para instalar un sistema de proxección, e renovar iluminación e son neste espazo municipal

Silleda,  9 de maio de 2023-.  O Concello de Silleda mellorará o equipamento do auditorio municipal Manuel Dopazo cun investimento de máis de 50.000 euros. A entidade concorreu o pasado mes de novembro á convocatoria da Axencia Galega das Industrias Culturais (Agadic) para a cncesión de axudas á modernización e xestión sustentable das infraestruturas das artes escénicas e musicais, ao abeiro dos Fondos Next Generation EU cun proxecto para mellorar estas instalacións.

O Concello vén de recibir a concesión de dita axuda, por  importe de 36.562,29 euros, que se complementará con fondos municipais ata os 52.231,84 euros do custe total do material e instalación do mesmo.  O proxecto de mellora inclue a dotación dun proxector de alta definición con soporte de teito, así como unha pantalla, e melloras na iluminación. Deste xeito instalaranse luminarias LED para o escenario, conseguindo un maior aforro e calidade lumínica. Tamén se instalarán 4 motores polipastos, mellorando a seguridade na estrutura da iluminación. Tamén se dotará a este centro dunha mesa de mezcla de sonido dixital ca que se mellorará a sonoridade deste equipamento cultural, moi utilizado por distintos colectivos.

Nos vindeiros días procederase a iniciar a tramitación para licitar este equipamento.