O Concello de Silleda súmase ao manifesto da Confederación Nacional de Entidades de ELA (ConELA) neste 21 de xuño, Día Mundial da Esclerose Lateral Amiotrófica (ELA).

ConELA solicita un maior compromiso dos parlamentarios para aprobar unha lei estatal que atenda de maneira correcta ás 4.000 persoas afectadas por ELA en España e ás súas familias. Recentemente, nos meses de marzo e abril de 2024, tres proposicións de lei foron aprobadas por unanimidade no Congreso dos Deputados para iniciar a tramitación dunha lei integral de atención ás persoas con ELA.

É imprescindible que todos os grupos parlamentarios traballen conxuntamente para unificar os proxectos nunha lei eficaz que permita mellorar a calidade de vida dos pacientes. Cada día, tres novos casos son diagnosticados e tres persoas falecen por ELA en España. A situación é urxente, e non podemos permitirnos máis demoras.

O sistema público actual só cobre un 10% dos coidados necesarios, deixando a maior parte da carga sobre as familias. É esencial un plan de coidados subvencionados que garanta a dignidade dos enfermos e lles permita tomar decisións sobre a súa vida sen estar condicionados polas súas posibilidades económicas.

Desde o Concello de Silleda, reclamamos accións inmediatas para que o 21 de xuño de 2025 sexa o primeiro Día Mundial coa Lei ELA aprobada.

Lee o manifesto do Día Mundial completo neste enlace  https://goo.su/hHnOes