Silleda, 7 de novembro de 2013. A Casa da Xuventude acolle en vindeiras datas senllos torneos para nenos e nenas con sesión guiadas por un monitor. As citas serán o martes 19 e o martes 26, con dúas propostas diferenciadas. Na primeira sesión celebrarase un certamen de Consola Wii, co xogo de Mario Car. E o día 26, os máis cativos cambiarán as novas tecnoloxías con xogos tradicionais de madeira. O horario das actividades será de 17.00 a 19.00 horas. Con estas dúas formas contrapostas de lecer, búscase presentar aos máis novos distintas formas de divertirse xogando, con dúas xornadas ben diferentes.