Cuiña asiste a primeira reunión telemática ca xerencia da área Sanitaria de Santiago

-O rexedor participou hoxe xunto cos alcaldes dos municipios galegos afectados polas  restriccións da Covid-19 na primeira das sesións de coordinación

-O municipio, segundo confirmaron as autoridades sanitarias conta hoxe con 24 casos activos. Dous veciños seguen hospitalizados, un na UCI e outro en planta

 Silleda,  17 de setembro de 2020-.  O alcalde de Silleda, Manuel Cuiña, participou hoxe por videoconferencia na xuntanza telemática ca xerencia da área sanitaria de Santiago, unha sesión á que asistiron ademais dos representantes da comisión sanitaria alcaldes dos municipios aos que afectan as restriccións pola Covid 19.

Cuiña, que agradece a información recibida, expuxo algunhas das dúbidas que se plantean co novo escenario en canto a aforos e outras medidas.

Dende as autoridades sanitarias hoxe confírmanse 24 casos activos. Os dous silledenses hospitalizados seguen ingresados, un deles na UCI.

Ao remate da reunión Cuiña informou aos voceiros da oposición do contido da mesma e dos datos aportados.

Así mesmo, e tendo en conta a restricción que afecta ás reunión de persoas non convivintes, tanto en espacios pechados como na vía pública, decidiuse que o vindeiro pleno ordinario, previsto para o día 24, se celebre de novo con quorum reducido, coa presencia proporcional de edís por grupo.

Tamén na xornada de hoxe se realizaron test serolóxicos a toda a plantilla municipal e membros da Corporación.

Entrega de máscaras, fundas e desinfección  nos centros educativos

Por outra banda, a concelleira de Educación Ángela Troitiño, e a tenente de Alcalde, Mónica González Conde, entregaron hoxe nos tres centos educativos de Infantil e Primaria (CEIP Plurilíngüe de Silleda, CEIP Ramón de Valenzuela e CPR María Inmaculada) máscaras reutilizables para todo o alumnado así como as fundas para as máscaras cirúrxicas donadas por Arlit para o alumnado de Primaria.

Por outra banda, dende o Concello de Silleda continúase cas desinfeccións periódicas nos patios e inmediacións dos colexios que se realizan dende o inicio do curso a primeira hora da maña.