Silleda, 30 de maio de 2016. Logo da realización das obras de acondicionamento no Centro Social dos Maiores, realizadas durante este mes de maio, o vindeiro venres día 3 terá lugar a reapertura do local cunha festa para celebrar as melloras feitas no mesmo, consistentes no pintado de paredes e a renovación dos pisos debido ao seu deterioro, entre outras actuacións.

A reapertura farase o 3 de xuño, cando terá lugar o Venres de Albaroque, co fin de festexar as melloras realizadas no Centro. A festa, que se celebrará entre as 19:00 e as 22:00 horas, terá entrada gratuíta, e contará coa animación musical de Suso de Melide.

A partires dese día o Centro Social volverá a abrir as súas portas en horario habitual, de luns a venres, de 15:30 a 20:00 horas e os fins de semana de 19:00 a 23:00 horas.