Silleda, 1 de setembro de 2023-. O persoal municipal do departamento de Obras e Sevizos do Concello de Silleda vén de iniciar en días pasados  as labores de limpeza e adecentamento das marquesiñas das paradas das liñas de transporte escolar. Os traballos incluén tamén o desbroce dos seus arredores para telas preparadas de cara ao inicio do curso escolar que será o vindeiro luns 11 de setembro.

Este departamento municipal estase encargando de revisar e acondicionar tanto as marquesiñas coma a zona de herba que hai máis próxima co obxectivo de poñer a punto estes lugares onde o bus recolle aos e as estudantes dos tres centros públicos do municipio: o CEIP Ramón de Valenzuela da Bandeira, o CEIP Plurilingüe de Silleda e o IES Plurilingüe Pintor Colmeiro.