O Concello de Silleda volve estar presente na Feira Semana Verde de Galicia, cun stand no Salón de turismo (Turexpo) no  que se promocionarán os recursos turísticos do municipio anfitrión deste certame.

Baixo o lema “Silleda, natureza e sabor”, da campaña que foi presentada o mes pasado, o  stand contará cun diseño renovado e innovador, no que a Fervenza do Toxa terá un protagonismo especial, como buque insignia do patrimonio natural do territorio, xunto ca gastronomía, outra das grandes embaixadoras.

No plano gastronómico dende o venres e ata o domingo promocionaránse no propio stand un total de 6 festas gastronómicas, que entre outras ofrecerán tamén degustacións.

Así, estarán presentes na xornada do venres a Romaría da Rosquilla (11:00 horas); a Festa da Empanada da Bandeira (16:30 horas) e a Festa do Lacón de Silleda (18:30 horas). O sábado, o sabor chegará da man da Festa dos Callos de Ansemil-Martixe  (13:00 h); a Romaría da Tortilla de Laro ((16:30) e a Festa da Paella de Cortegada (18:30). Xa o domingo ao mediodía (13:00  horas) as degustacións rematará ca Festa do Vacún á brasa de Moalde. Dende o Concello de Silleda agradécese a colaboración de todas as comisións organizadoras nesta iniciativa promocional dos sabores de Silleda.

Ademais, todas as persoas que se acheguen ata o stand poderán participar nun sorteo que se presentará nos vindeiros días, e que ten como protagonista a natureza silledense.