O Concello recibe a titularidade de 33 parcelas ubicadas en 7 parroquias do municipio

 

Silleda 2 de decembro de 2017. O Concello de Silleda a ten no seu haber 33 propiedades repartidas en 7 parroquias correspondientes as denominadas anteriormente como masas comúns nos procesos de concentración parcelaria.

O pasado mércores, o teniente de alcalde, Klaus Brey, asistían en Santiago á sinatura da cesión da propiedade, por parte da Consellería de Medio Rural dun total de 33 predios para o Concello de Silleda.

As parcelas sitúanse en O Castro, Ponte, Taboada, Vilar, Cira, Dornelas e Fiestras. Entre as propiedades que agora pasa a titularidade do Concello están equipamientos coma cementerios, centros sociais ou outros equipamentos.

"Esta cesión é moi positiva sobre todo en casos coma o centro social de Ponte, xa que á hora de concorrer a determinadas subvencións públicas, o feito de non poder demostrar a titularidade municipal deixou fora destas convocatorias a colectivos e asociacións que presentaron distintas iniciativas de mellora", indica o alcalde Manuel Cuiña.

Esta cesión efectuouse ó amparo da Lei de Mellora da Estrutura Territorial Agraria de Galicia (Metaga), que permite achegar ás entidades locais terreos que pertencían ao Bantegal que non teñen usos agrarios.

O alcalde silledense amosa a satisfacción do executivo local por este acto administrativo co que os veciños e veciñas de Silleda obteñen oficialmente a titularidade de terrenos e infraestruturas de usos sociais, "o que supón un avance en moitos sentidos, xa que ata o de ágora nalgúns casos non se podía acreditar a titularidade municipal das instalacións", engade.