O cenobio estará aberto ao público de 11:00 a 14:30 e de 16:30 a 19:00 horas, de mércores a domingo.

Silleda, 29 de marzo de 2022.  O mosteiro de Carbeoiro mudará dende mañá mércores o seu tempo de apertura , coincidindo co recente cambio de horario. Así, e en virtude do establecido nos últimos anos poloo departamento municipal de Turismo, o edificio abrirá as súas portas ao público en horario de 11:00 a 14:30 e polas tardes de 16:30 a 19:00 horas, de mércores a domingo.

Deste xeito, e tendo en conta o aumento de horas de luz que xa se ven experimentanto nas últimas semanas, amplíase unha hora máis a apertura do cenobio polas tardes.

Este horario de primavera  aplicarase –de mércores a domingo- durante os meses de marzo, abril, maio e xuño, ampliándose novamente  nos meses de verán co reforzo de personal que atende o Punto de Información Turísticas (PIT) da rede Info Rías Baixas.

O bo tempo das últimas semanas está a incrementar un notable aumento das visitas neste primeiro trimestre do ano, con cifras moi superiores as de anos anteriores.