A Deputación de Pontevedra outorga ao Concello de Silleda máis de 50.000 euros para seguir mellorando o servizo de recollida de RSU

Silleda, 20 de Setembro de 2021.  O Concello de Silleda continua a mellorar a xestión do servizo de recollida e transporte de Residuos Sólidos Urbanos (RSU) a través da axuda do Plan Concellos da Deputación de Pontevedra. O organismo provincial vén de confirmar a concesión dunha axuda por importe total de 50.020,96 euros con cargo á Liña 2 do citado Plan Concellos. A través desta subvención  para o financiamento parcial do contrato de servizo público de recollida e transporte de RSU confinanciarase a xestión do servizo. “O goberno vén apostando por mellorar os servizos á cidadanía e sen dúbida a recollida de residuos é un dos servizos básicos que dende as Administracións temos que seguir mellorando”, indica o alcalde, Manuel Cuiña, que destaca a importancia do Plan Concellos “non só para materializar novas obras senon para cofinanciar xunto cas entidades locais servizos para a cidadanía”, engade.